“Насаф” жамоасининг ёш футболчилари биринчи даврани ғалаба билан якунлашди.

Учрашув ҳар иккала жамоаларнинг кескин ҳужумлари билан бошланди. Ўйиннинг 5-дақиқасида меҳмонлар ташкил этган ҳужумни Абдураззоқ Жўраев гол билан якунланди.

Шундан сўнг Матвейченко шогирдлари бир қатор ҳужумлар уюштиришди, аммо булардан наф чиқмади. Биринчи бўлим шу тариқа якун топди.

Иккинчи бўлимда мезбонлар устунлиги остида ўтди ва бу ҳисобда ҳам ўз аксини топди. Санжар Баратов дарвозабон билан бирга бир вазиятга чиқиб борди ва орқароқда ўзидан қулай вазиятда турган Элдор Бойматовни тўп билан таъминлади. Элдор эса ўзининг аниқ ва кучли зарбаси билан мувозанатни тиклади. Учрашув якунланишига саноқли дақиқалар қолганида “Насаф” ёшлари иккинчи тўпни киритишга эришишди.

Чап қанотдан ташкил этилган ҳужумни Азиз Маликов ривожлантирди ҳамда тўпни рақиб жарима майдони ичида турган Санжар Баратовга етказиб берди. “Олмалиқ” посбони билан бирга бир вазиятда қолган Санжар эса тўпни узоқ бурчакка аниқ йўналтирди ва жамоасининг иродали ғалабасини таъминлади - 2:1.

Ёшлар лигаси 13-тур, 30 июнь шанба

“Насаф” – “Олмалиқ” 2:1(0:1)

Ҳакамлар: Аъзамжон Чориев, Артём Калинин, Суҳроб Сатторов, Фирдавс Норсафаров.

Голлар: Абдураззоқ Жўраев (5), Элдор Бойматов (72), Санжар Баратов (85)

“Насаф”: 1. Элдорбек Суюнов, 2. Алишер Турдиев, 5. Одилжон Ҳамробеков, 12. Миржалол Мўминов, 13. Тоҳир Абдураззоқов, 17. Фарруҳ Сайфиев, 30. Улуғбек Дадабоев (Элдор Бойматов 46), 7. Азизжон Файзиев, 8. Дониёржон Нарзуллаев, 10. Азизбек Маликов, 11. Санжар Баратов (20.Алишер Ҳатамов 90)

“Олмалиқ”: 1. Тимур Ралимов, 5. Илҳом Мустафоев, 4. Шоят Муллажонов, 22. Сирож Ҳамроев (8.Абдулла Машрапов 70), 3. Шуҳрат Мусаев, 2. Абдулазиз Абдуҳамидов, 11. Маъруф Муродов, 6. Александр Лупашко, 10. Шариф Мирзаев, 17. Диёр Туропов, 15. Абдураззоқ Жўраев (Жасур Жайнақов 76).

Огоҳлантиришлар: Дониёр Нарзуллаев (15) Тимур Ралимов (38)