Ҳужумчи Энди Кэрролл “Рединг” билан шартнома имзолади, дея хабар беради клуб расмий сайти.
33 ёшли англиялик билан келишув 2023 йилнинг январигача мўлжалланган. Футболчи жамоага эркин агент сифатида келиб қўшилди.
Кэрролл фаолияти давомида "Ньюкасл", "Ливерпуль", "Вест Хэм" ва "Вест Бромвич" клубларида, шунингдек, 2021 йилнинг ноябридан 2022 йилнинг январигача "Рединг"да ўйнаган.
Ҳужумчи ўтган мавсумда "Вест Бромвич" ва "Рединг" сафида 23 та ўйинда майдонга тушиб, 5 та гол урди ва голли узатмани амалга оширди.













