Европа лигаси гуруҳ босқичи 2-тури доирасида Римнинг “Лацио” жамоаси сафарда Даниянинг “Митьюлланд” жамоаси билан учрашди. Маурицио Сарри шогирдлари 1:5 ҳисобида шармандали мағлубиятга учради.
Пойтахт клуби матбуот хизмати хабарига кўра, раҳбарият омадсиз ўйинга ташриф буюрган жамоанинг барча мухлисларига пулларни қайтаришга қарор қилган. Шу тариқа, "Лацио" қониқарсиз натижа учун ўз айбини бироз бўлсада юмшатишни истамоқда. Даниядаги ўйинга римлик 225 нафар мухлис ташриф буюрди.
"Бургутлар" Италия чемпионатидаги навбатдаги учрашувини "Кремонезе"га қарши ўтказади. Учрашув 18 сентябрь, якшанба куни бўлиб ўтади.
