Yevropa ligasi guruh bosqichi 2-turi doirasida Rimning “Lasio” jamoasi safarda Daniyaning “Mityulland” jamoasi bilan uchrashdi. Maurisio Sarri shogirdlari 1:5 hisobida sharmandali mag‘lubiyatga uchradi.
Poytaxt klubi matbuot xizmati xabariga ko‘ra, rahbariyat omadsiz o‘yinga tashrif buyurgan jamoaning barcha muxlislariga pullarni qaytarishga qaror qilgan. Shu tariqa, "Lasio" qoniqarsiz natija uchun o‘z aybini biroz bo‘lsada yumshatishni istamoqda. Daniyadagi o‘yinga rimlik 225 nafar muxlis tashrif buyurdi.
"Burgutlar" Italiya chempionatidagi navbatdagi uchrashuvini "Kremoneze"ga qarshi o‘tkazadi. Uchrashuv 18 sentyabr, yakshanba kuni bo‘lib o‘tadi.
