"Ливерпуль" ярим ҳимоячиси Артур ёшлар жамоасида тўлиқ ўйин ўтказди.

26 ёшли бразилиялик футболчи “Ливерпуль” U-21 сафида 6-тур доирасидаги “Лестер”га (1:0) қарши ўйинда майдонга тушди ва сариқ карточка олди. Бу футболчининг сўнгги 129 кун ичидаги биринчи ўйини бўлди.

Олдинроқ “Ливерпуль” Артурни муддатидан аввал “Ювентус”га қайтариши мумкинлиги ҳақида хабар берилганди, бироқ кейинроқ бу маълумот рад этилди.

2022/23 йилги мавсумда Артур Чемпионлар лигасида "Ливерпуль" таркибида битта ўйин ўтказди ва самарали ҳаракатлари билан ажралиб турмади. У жамоадаги дебютини "Наполи"га қарши ўйинда (1:4) ўтказиб, захирадан майдонга тушди ва 13 дақиқани майдонда ўтказди.