"Liverpul" yarim himoyachisi Artur yoshlar jamoasida to‘liq o‘yin o‘tkazdi.
26 yoshli braziliyalik futbolchi “Liverpul” U-21 safida 6-tur doirasidagi “Lester”ga (1:0) qarshi o‘yinda maydonga tushdi va sariq kartochka oldi. Bu futbolchining so‘nggi 129 kun ichidagi birinchi o‘yini bo‘ldi.
Oldinroq “Liverpul” Arturni muddatidan avval “Yuventus”ga qaytarishi mumkinligi haqida xabar berilgandi, biroq keyinroq bu ma’lumot rad etildi.
2022/23 yilgi mavsumda Artur Chempionlar ligasida "Liverpul" tarkibida bitta o‘yin o‘tkazdi va samarali harakatlari bilan ajralib turmadi. U jamoadagi debyutini "Napoli"ga qarshi o‘yinda (1:4) o‘tkazib, zaxiradan maydonga tushdi va 13 daqiqani maydonda o‘tkazdi.
