"Барселона" бош мураббийи Хави Эрнандес "Эльче" устидан қўлга киритилган ғалаба ҳақида фикр билдирди.
Ёш мутахассис ўз шогирдлари ўйиннинг боришини тўлиқ назорат қилганини айтди. Хавининг таъкидлашича, бир киши кўп бўлиб ўйнаган "кўк-анорранглилар" "Эльче" дарвозасига учтадан кўп гол уришлари мумкин эди.
“Ажойиб кайфият ва бу мавсумни ажойиб бошлаш. Ҳали ҳаммаси олдинда", - дея қўшимча қилди Каталония клуби мураббийи.
Эслатиб ўтамиз, "Барселона" ишончли тарзда рақибидан 3:0 ҳисобида устун келди. Айни дамда Хави Эрнандес шогирдлари ҳисобида олти турдан кейин 16 очко бор.
