"Наполи" устози Лучано Спалетти дисквалификацияни ўтказмоқда ва шунинг учун жамоани вақтинча унинг ўринбосари Марко Доменикини бошқарди.
Шунга қарамай, "Наполи" тўғридан-тўғри рақиби устидан ғалаба қозонди. Бироқ Доменикини “Наполи”ни чемпионлик учун асосий даъвогар деб ҳисоблайдими, деган саволга жавоб беришдан бош тортди.
"Биздан кучли жамоалар бор, биз секин-аста олға боришга ҳаракат қиламиз. Ҳозирча яхши, лекин бизда янгиланган жамоа бор, кўп нарса ўзгарди. Бу ўйинда дастлабки йигирма дақиқани ёмон ўтказдик, тўпга эгалик қила олмадик. Биз уни ушлаб туришни бошлаганимизда, ҳаммаси муаммосиз ўтди", - деди Спалеттининг ёрдамчиси DAZN билан суҳбатда.
