"Бенфика" ва Португалия терма жамоаси ҳужумчиси Рафа Силва шахсий сабабларга кўра терма жамоадаги фаолиятини якунлаганини эълон қилди.
“Бугун мен мураббий Фернандо Сантушга миллий терма жамоа шарафини ҳимоя қила олмаслигим ҳақида хабар бердим, бу фаолиятимнинг ушбу босқичидаги ҳалол ва тўғри қарор. Ушбу қарор ҳурмат қилинишини сўрайман. Мен кўп марта терма жамоа шарафини ҳимоя қилганман, Евро-2016 ва Миллатлар лигасида ғалаба қозонишга ёрдам берганман ва ҳар доим жамоани қўллаб-қувватлайман", - деди Силва.
29 ёшли португалиялик 2014 йилда асосий терма жамоада дебют қилган ва 25 та ўйинда майдонга тушган.
