"Лестер" ярим ҳимоячиси Юри Тилеманс ёзги трансфер ойнасида жамоани тарк этмаганидан афсусланмади. Шартномага кўра, футболчининг "тулкилар" сафида ўйнашига бор-йўғи бир йил қолгани, аммо трансфер амалга ошмаганини ҳисобга олсак, футболчининг ТОП клублардан бирига сотилиши жуда реал натижага ўхшарди.
Футболчи таъкидлаганидек, у ҳеч қачон ўзи учун мос вариантни топа олмаган. Бироқ, 25 ёшли футболчи жамоаси АПЛ турнир жадвалида сўнгги 20-ўринни эгаллаб турганига қарамай, "Лестер"да қолганидан афсусда эмас.
“Ҳозир шартномам ҳақида гапирмоқчи эмасман. Мен ёзда “Лестер”ни тарк этмадим ва ҳар доим лойиҳа тўғри бўлиши кераклигини айтганман. "Лестер"да ишлар яхши кетмаётгани танловимдан афсусда эканлигимни англатмайди", деди белгиялик ярим ҳимоячи Sky Sports нашрига.
