Миланнинг “Интер” клуби ҳимоячиси Дензел Дюмфриснинг Англия Премьер-лигаси жамоасига ўтмагани сабаби маълум бўлди.
Журналист Фабрицио Романонинг сўзларига кўра, “Челси” ва “Манчестер Юнайтед” футболчини сотиб олишга тайёр эди, бироқ нидерландиялик футболчи мослашиш даври Қатардаги Жаҳон чемпионатидаги ўйинига путур етказишидан қўрқиб, трансфердан бош тортган.
Эслатиб ўтамиз, "Интер" Дюмфрисни 40 миллион евро эвазига қўйиб юборишга тайёр эди.
Жорий мавсумда Дензел Италия А Сериясида “Интер” сафида 7 та ўйин ўтказди. Ушбу жангларда футболчи бир гол ва голли узатмани амалга оширди.
