"Барселона" ҳужумчиси Мемфис Депай ўтган ёзда испан клубини тарк этишга яқин бўлганини тасдиқлади.
“Ёзда менга бошқа жамоалардан таклифлар бўлганди. Лекин мен "Барселона"даги ўрин учун курашишга қарор қилдим" - деди Депай.
Чемпионатнинг дастлабки тўрт турида Депай “Барселона” захирасида қолди. Кейин Чемпионлар лигасида "Виктория"га қарши 15 дақиқа ўйнади, шунингдек, Ла Лигада "Кадис" (4:0) ва "Эльче"га (3:0) қарши баҳсларни асосий таркибда бошлади.
Ўтган мавсумда футболчи "Барселона" сафида барча турнирларда 37 та ўйин ўтказиб, 13 та гол урди ва 2 та голли узатмани амалга оширди. Депайнинг каталонияликлар билан амалдаги шартномаси 2023 йилнинг 30 июнига қадар тузилган.
