"Манчестер Сити" ҳимоячиси Жон Стоунз Хосеп Гвардиола қўл остида машғулотлардан олган таассуротлари ҳақида гапирди.

"Тўғрисини айтсам, "Эвертон'ни тарк этаётганимда ўзимни футболда яхши деб ўйлагандим. Аммо “Манчестер Сити”га келиб, машғулотларни бошлаганимдан сўнг, бир-икки ҳафта ўтгач, ўйладим: “Мен том маънода футбол ҳақида ҳеч нарса билмайман”.

Гвардиоланинг мияси ва унинг турли жамоалар ёки тактикаларни кўриши... Мен оддий сўз билан унинг қандай ҳаракат қилишини, ақлининг футболга мослашишини айтиб бера олмайман. У бизга, ўйинчиларга, ўзи хоҳлаган, ўйлаган ва ишонган нарсани қилишга ундаши ақл бовар қилмайдиган тарзда туртки беради”, - дея Стоунзнинг сўзларини келтиради Goal.

28 ёшли англиялик футболчи 2016 йилда "Эвертон"дан "Манчестер Сити"га ўтган эди.