Жуд Беллингем келаси ёзда Дортмундни тарк этиши мумкин.
The Athletic хабарига кўра, 19 ёшли ярим ҳимоячига "Ливерпуль", "Реал", "Манчестер Сити", "Манчестер Юнайтед" ва "Челси" клублари қизиқиш билдирмоқда.
Ярим ҳимоячининг немис клуби билан шартномаси 2025 йилгача мўлжалланган. "Боруссия" унга яхшиланган шартлар асосида шартномани узайтиришни таклиф қилмоқчи.
Аммо Беллингем бошқа клубга ўтишни талаб қилса, Дортмундликлар трансфер учун 150 миллион еврога яқин талаб қилади. Шундай қилиб, Жуд тарихдаги энг қиммат инглиз футболчисига айланиши мумкин. Эрлинг Холанддан фарқли ўлароқ, Беллингемнинг шартномасида товон пули мавжуд эмас.
Ярим ҳимоячи 2020 йилда Бирмингемдан Дортмунднинг "Боруссия"сига 25+5 млн фунт эвазига ўтган эди. У Бундеслигада жорий мавсумда 7 та ўйинда майдонга тушди.