"Милан" ҳужумчиси Рафаэль Леау клубдаги мослашуви ҳақида гапирди. 23 ёшли португалияликнинг сўзларига кўра, Златан Ибраҳимович унга "россонерилар" муҳитига кўникишга ёрдам берган.

“Миландаги дастлабки икки йил қийин кечди, мен Франциядан келдим, у ерда ҳамма нарса кичикроқ ва ҳаёт бутунлай бошқача эди. "Милан"га келганингда ғолиб бўлиш кераклигини, кўплаб афсоналар сиз билан бир хил футболка кийиб, кўплаб совринларни қўлга киритганини тушунасиз.

Бу даврда менинг оилам, мураббий Пиоли ва Ибра - ҳар куни ёнимда бўладиган одамлар ҳал қилувчи роль ўйнади. Златан ўрнак, у менга кўп нарсани ўргатди: савол бериш, доимо диққатни жамлаш, ҳатто майдондан ташқарида ҳам бўлиш қанчалик муҳим. Биз нафақат профессионал ёки ҳамкасб сифатида, балки эркаклар сифатида ҳам хоҳлаганимиздек гаплашамиз”, - деди Леау.

Жорий мавсумда Леау “Милан” сафида 8 та ўйинда майдонга тушиб, 3 та гол урди ва 6 та голли узатмани амалга оширди.