"Манчестер Юнайтед" Оле-Гуннар Сульшер ва Ральф Рангникга 24,7 миллион фунт товон тўлаган.
Сульшер ўтган йилнинг ноябрида “Манчестер Юнайтед” бош мураббийлигидан бўшатилган эди. Ундан тўрт ой олдин норвегиялик мутахассис клуб билан янги 3 йиллик шартнома имзолаган, аммо натижалар ёмонлиги сабаб "қизил иблислар" раҳбарияти уни истеъфога чиқарган эди.
Рангник Сульшер истеъфога чиқарилганидан сўнг мавсум охиригача "МЮ"ни бошқарди. Мавсум охирида у икки йил давомида "Юнайтед" маслаҳатчиси бўлиши керак эди.
Бироқ, кейин Рангник Австрия терма жамоасида ишлаш таклифини қабул қилди, шу сабабли "МЮ" раҳбарияти унинг маслаҳатчи сифатидаги хизматларидан воз кечди.
Умуман олганда, Сульшер ва Рангник клубдан жами 24,7 миллион фунт стерлинг товон пули олган.
