Ижтимоий тармоқларда ажойиб ўйинчиларни ёки маълум бир сегментда яхши ўйнаганларни инглизча GOAT сўзи билан чақириш модага айланди. Бу сўз таржимада "эчки" деган маънони англатади. Лекин бу сўзни тўғридан тўғри тушиниш керак эмас.
Бу таъриф қаердан келган?
GOAT - бу қисқартма бўлиб, у "Great Of All Time" яъни "Барча замонларнинг энг буюги" деган маънони англатади. Спортда у Муҳаммад Али туфайли ўз ўрнига эга бўлди. 1974 йилда Жорж Форманни мағлубиятга учратгандан сўнг, у шундай деди: "Кўриниб турибдики, сиз мендан барча даврларнинг энг буюк спортчиси эканлигимни эшитгансиз. Ҳеч ким мени ҳеч қачон мағлуб эта олмайди".
Журналистлар эса бу гапларни ёзиб олган ва янги термин пайдо бўлган. Бир куни Али ҳатто бу ҳақда шундай изоҳ берди: "Бу сўзни ҳеч қайси ҳайвон билан алоқаси йўқ. Бу журналистлар ўйлаб чиқарган хулосалар. Мен фақат ўз кучимни ва буюклигимни таъкидламоқчи эдим”.
1992 йилда Муҳаммад Алининг рафиқаси Great Of All Time Inc интеллектуал мулк агентлигига асос солади.
Қайси спорт турларида бу атама ишлатилади
Деярли барча спорт турларида. Мисоллар:
• "Лейкерс"нинг собиқ бош мураббийи Люк Уолтон интервьюда шундай деган эди: "Қулоқ солинг Лебронь - GOAT".
• НФЛ. Лига ижтимоий медиа менежерлари кўпинча Том Бредини GOAT деб аташган.
• Футболда ҳам бу тушунча кенг тарқалган. Ва улар замонавий оммавий ахборот воситалари томонидан қўлланилади. Месси "ПСЖ"га ўтганидан сўнг футболкасининг енги айнан GOAT ёзуви пайдо бўлган.
Лекин буни кўпчилик нотўғри тушиниши мумкин. Месси ва жамоанинг бошқа футболчиларининг либосида айнан GOAT сўзи ёзилган. Бу ерда гап GOAT - кийим-кечакларни онлайн сотадиган компаниянинг рекламаси ҳақида кетяпти. GOAT ва "ПСЖ" 2022 йилнинг апрель ойида шартнома имзолаган эди. GOAT ўз рекламасини "ПСЖ"нинг барча либосларида намоён қилади ва бунинг эвазига клуб ҳар мавсумда 50 миллион доллар олади.
