Ijtimoiy tarmoqlarda ajoyib o‘yinchilarni yoki ma’lum bir segmentda yaxshi o‘ynaganlarni inglizcha GOAT so‘zi bilan chaqirish modaga aylandi. Bu so‘z tarjimada "echki" degan ma’noni anglatadi. Lekin bu so‘zni to‘g‘ridan to‘g‘ri tushinish kerak emas.
Bu ta’rif qayerdan kelgan?
GOAT - bu qisqartma bo‘lib, u "Great Of All Time" ya’ni "Barcha zamonlarning eng buyugi" degan ma’noni anglatadi. Sportda u Muhammad Ali tufayli o‘z o‘rniga ega bo‘ldi. 1974 yilda Jorj Formanni mag‘lubiyatga uchratgandan so‘ng, u shunday dedi: "Ko‘rinib turibdiki, siz mendan barcha davrlarning eng buyuk sportchisi ekanligimni eshitgansiz. Hech kim meni hech qachon mag‘lub eta olmaydi".
Jurnalistlar esa bu gaplarni yozib olgan va yangi termin paydo bo‘lgan. Bir kuni Ali hatto bu haqda shunday izoh berdi: "Bu so‘zni hech qaysi hayvon bilan aloqasi yo‘q. Bu jurnalistlar o‘ylab chiqargan xulosalar. Men faqat o‘z kuchimni va buyukligimni ta’kidlamoqchi edim”.
1992 yilda Muhammad Alining rafiqasi Great Of All Time Inc intellektual mulk agentligiga asos soladi.
Qaysi sport turlarida bu atama ishlatiladi
Deyarli barcha sport turlarida. Misollar:
• "Leykers"ning sobiq bosh murabbiyi Lyuk Uolton intervyuda shunday degan edi: "Quloq soling Lebron - GOAT".
• NFL. Liga ijtimoiy media menejerlari ko‘pincha Tom Bredini GOAT deb atashgan.
• Futbolda ham bu tushuncha keng tarqalgan. Va ular zamonaviy ommaviy axborot vositalari tomonidan qo‘llaniladi. Messi "PSJ"ga o‘tganidan so‘ng futbolkasining yengi aynan GOAT yozuvi paydo bo‘lgan.
Lekin buni ko‘pchilik noto‘g‘ri tushinishi mumkin. Messi va jamoaning boshqa futbolchilarining libosida aynan GOAT so‘zi yozilgan. Bu yerda gap GOAT - kiyim-kechaklarni onlayn sotadigan kompaniyaning reklamasi haqida ketyapti. GOAT va "PSJ" 2022 yilning aprel oyida shartnoma imzolagan edi. GOAT o‘z reklamasini "PSJ"ning barcha liboslarida namoyon qiladi va buning evaziga klub har mavsumda 50 million dollar oladi.
