“Монако” ва Франция терма жамоаси ҳимоячиси Бенуа Бадиашиле Миллатлар лигаси гуруҳ босқичи 5-тури доирасидаги Австрия устидан қозонилган ғалаба (2:0) ҳақида фикр билдирди.

“Мен ўзимни жуда қулай ҳис қилдим, чунки жамоадошларим менга ёрдам беришди, уларнинг барчаси менга ишонч бағишлади. Мураббий ўйин олдидан қўлимдан келганча ўйнашимни айтди. Бу мен учун фойдага ишлади. Мен асабийлашдимми? Ростини айтсам, йўқ, буларнинг барчасига эътибор бермасликка, мураббийнинг кўрсатмаларига қулоқ солишга ҳаракат қилдим. Жаҳон чемпионати доим хаёлимда, лекин мен бор эътиборимни навбатдаги икки ўйинга қаратганман”, — деди Бадиашиле.

Миллатлар лигаси гуруҳ босқичининг 5-туридан сўнг Франция терма жамоаси 5 очко жамғариб, А1 гуруҳида 3-ўринни эгаллаб турибди. Австрия терма жамоаси 4 очко билан 4-ўринда бормоқда.