“Monako” va Fransiya terma jamoasi himoyachisi Benua Badiashile Millatlar ligasi guruh bosqichi 5-turi doirasidagi Avstriya ustidan qozonilgan g‘alaba (2:0) haqida fikr bildirdi.

“Men o‘zimni juda qulay his qildim, chunki jamoadoshlarim menga yordam berishdi, ularning barchasi menga ishonch bag‘ishladi. Murabbiy o‘yin oldidan qo‘limdan kelgancha o‘ynashimni aytdi. Bu men uchun foydaga ishladi. Men asabiylashdimmi? Rostini aytsam, yo‘q, bularning barchasiga e’tibor bermaslikka, murabbiyning ko‘rsatmalariga quloq solishga harakat qildim. Jahon chempionati doim xayolimda, lekin men bor e’tiborimni navbatdagi ikki o‘yinga qaratganman”, — dedi Badiashile.

Millatlar ligasi guruh bosqichining 5-turidan so‘ng Fransiya terma jamoasi 5 ochko jamg‘arib, A1 guruhida 3-o‘rinni egallab turibdi. Avstriya terma jamoasi 4 ochko bilan 4-o‘rinda bormoqda.