"Барселона" ярим ҳимоячиси Серхио Бускетс келажаги ҳақидаги саволга жавоб беришдан бош тортди.
“Бу мавсумда фаолиятим қандай кетаётганини кўраман. Мен ўйиндан завқ олишни хоҳлайман, кейин қарор қабул қиламан. 20 ёшда эмаслигим аниқ. Бу менинг шартномамнинг сўнгги йили, аммо ҳозир ёлғон янгиликлар айтилмоқда", - дея футболчининг сўзларини келтиради Marca.
Олдинроқ, 34 ёшли испаниялик мавсум охирида МЛС клуби "Интер Майами"га ўтишга тайёрлиги ҳақида маълумотлар пайдо бўлганди. Футболчининг Каталония клуби билан шартномаси 2023 йилнинг ёзида якунига етади.
Transfermarkt портали футболчининг нархини 9 миллион еврога баҳоламоқда.
