"Barselona" yarim himoyachisi Serxio Buskets kelajagi haqidagi savolga javob berishdan bosh tortdi.
“Bu mavsumda faoliyatim qanday ketayotganini ko‘raman. Men o‘yindan zavq olishni xohlayman, keyin qaror qabul qilaman. 20 yoshda emasligim aniq. Bu mening shartnomamning so‘nggi yili, ammo hozir yolg‘on yangiliklar aytilmoqda", - deya futbolchining so‘zlarini keltiradi Marca.
Oldinroq, 34 yoshli ispaniyalik mavsum oxirida MLS klubi "Inter Mayami"ga o‘tishga tayyorligi haqida ma’lumotlar paydo bo‘lgandi. Futbolchining Kataloniya klubi bilan shartnomasi 2023 yilning yozida yakuniga yetadi.
Transfermarkt portali futbolchining narxini 9 million yevroga baholamoqda.
