Миллатлар лигасининг 5-тури доирасида Испания терма жамоаси ўз майдонида Швейцарияни қабул қилиб, 1:2 ҳисобида мағлуб бўлди.
Биринчи бўлимда меҳмонлар олдинга чиқиб олишди, ўйиннинг иккинчи бўлими бошида Жорди Альба ҳисобни тенглаштирган бўлса, орадан тўрт дақиқа ўтиб Брель Эмболо яна швейцарияликларни олдинга олиб чиқди.
Маълум бўлишича, бу омадсизлик испанларнинг бирданига иккита сериясини тўхтатди - улар умумий ҳисобда 22 учрашувда мағлуб бўлишмади, шунингдек, деярли тўрт йил давомида ўз уйларида мағлуб бўлишмади. Бу охирги марта 2018 йилнинг октябрь ойида содир бўлган, ўшанда Испания ўз уйида Миллатлар Лигаси доирасида Англияга 2:3 ҳисобида мағлуб бўлганди.
