Журналист Альфредо Педулланинг сўзларига кўра, "Интер" қишки трансфер ойнасида ҳимоячи Милан Шкриньярни сотиш имкониятларини кўриб чиқиши мумкин.
Милан клуби агар шу вақтгача 27 ёшли футболчи билан янги шартнома борасида келиша олмаса, шундай қадам ташлайди. Словакияликнинг амалдаги шартномаси мавсум охиригача мўлжалланган.
Ёзда "Интер" футболчини "ПСЖ"га сотишдан бош тортди. Парижликлар Шкриньяр учун 60 миллион евро таклиф қилишган, бироқ италияликлар бундан ҳам каттароқ суммани талаб қилишган. Эндиликда раҳбарлар футболчини текинга бой бермаслик учун уни 25 миллион еврога сотишга тайёр.
Қайд этилишича, Милан клубида Шкриньяр мавсумига 6 миллион евродан кўпроқ маош олмоқчи.
