"Челси" ҳимоячиси Трево Чалоба қишки трансфер ойнасида ҳозирги жамоасини тарк этиши мумкин. Бу ҳақда инсайдер Фабрицио Романо ижтимоий тармоқлар орқали маълум қилди.
Манбага кўра, 21 ёшли футболчи ўйин амалиётига эга бўлиш учун ижарага кетмоқчи. Трево фаолиятини давом эттириш вариантлари орасида бир вақтнинг ўзида бир нечта клублар бор: "Лейпциг", "Милан", "Интер" ва "Рома".
Англия Премьер-лигасининг жорий мавсумида Чалоба битта учрашувда иштирок этди.
Ҳимоячи 2021 йилнинг июлидан буён “кўклар” сафида тўп сурмоқда. Футболчининг Лондон клуби билан амалдаги шартномаси муддати 2025/2026 йилги мавсум охиригача мўлжалланган.
