Мадриднинг "Реал" клуби ҳужумчиси Марко Асенсио катта эҳтимол билан жорий мавсум якунида эркин агент мақомида жамоани тарк этади.
Испаниянинг RAC1 нашри берган маълумотларга кўра, 26 ёшли қанот вингери "Барселона" раҳбарияти билан учрашиб, 4 йиллик шартнома борасида оғзаки келишувга эришган. Қайд этилганидек, у эркин агент мақомида текинга "блауграна" футболчисига айланади.
Асенсио "қаймоқранглилар" сафига 2015 йилда "Мальорка"дан келиб қўшилган эди. Трансфер миқдори - 3,9 миллион евро. Шундан сўнг, у бир мавсум ижарада "Эспаньол"да ҳаракат қилди.
Transfermarkt портали испан футболчисини айни вақтда 35 миллионга баҳолаган.
