Туриннинг "Ювентус" клуби ҳимоячилар Алекс Сандро ва Хуан Куадрадо билан мавсум охирида тугайдиган шартномаларни узайтирмоқчи эмас. Бу ҳақда Corriere dello Sport хабар бермоқда.
Манбага кўра, 31 ёшли Сандро "Ювентус"да 6 миллион евро олади, бироқ клуб футболчи билан маоши қисқартирилган ҳолда шартномани узайтиришга ҳам уринмаган. 34 ёшли Куадрадога маоши қисқартирилган ҳолда бир йиллик шартнома таклиф қилинган, бироқ колумбиялик бундай таклифни рад этган.
Аввалроқ, ўтган мавсум якунларига кўра, "Ювентус" ўз тарихидаги энг йирик йўқотишларга учрагани хабар қилинганди. Италия клуби 254,3 миллион евро зарар кўрди.
