Turinning "Yuventus" klubi himoyachilar Aleks Sandro va Xuan Kuadrado bilan mavsum oxirida tugaydigan shartnomalarni uzaytirmoqchi emas. Bu haqda Corriere dello Sport xabar bermoqda.
Manbaga ko‘ra, 31 yoshli Sandro "Yuventus"da 6 million yevro oladi, biroq klub futbolchi bilan maoshi qisqartirilgan holda shartnomani uzaytirishga ham urinmagan. 34 yoshli Kuadradoga maoshi qisqartirilgan holda bir yillik shartnoma taklif qilingan, biroq kolumbiyalik bunday taklifni rad etgan.
Avvalroq, o‘tgan mavsum yakunlariga ko‘ra, "Yuventus" o‘z tarixidagi eng yirik yo‘qotishlarga uchragani xabar qilingandi. Italiya klubi 254,3 million yevro zarar ko‘rdi.
