"Барселона" Френки де Йонг ва Мемфис Депайларнинг жароҳат олганини тасдиқлади.
Иккала футболчи ҳам ўтган ҳафта Нидерландия терма жамоаси сафида жароҳат олган эди.
Тиббий кўрик натижаларига кўра, Де Йонгга чап соннинг ярим пай мушаклари чўзилиши ташхиси қўйилган.
Депайга чап соннинг мушаклари жароҳати ташхиси қўйилган.
Иккала футболчи ҳам сафдан чиқди, "Барселона" уларнинг тикланиш вақтини ҳали эълон қилмаган.
“Барселона” аввалроқ ҳимоячи Рональд Араухо операция қилинишини маълум қилганди. Уругвайлик футболчи терма жамоа сафида ҳам жароҳат олганди.
