"Барселона" ҳужумчиси Мемфис Депай жароҳат сабаб сафдан чиқди.
28 ёшли футболчи сон қисмидан олган жароҳати туфайли Нидерландия терма жамоасини тарк этди.
AS нашрининг ёзишича, жароҳат анча жиддий: Депай бир ой давомида майдонга туша олмайди.
Эслатиб ўтамиз, Депайнинг "Барселона"даги ва терма жамоадаги жамоадоши Френки де Йонг ҳам сонини жароҳатлаган, аммо 25 ёшли ярим ҳимоячининг қайтиши кейинги ҳафтада маълум бўлади.
Келгуси ойда "кўк-анорранглилар" бир қатор муҳим ўйинларни ўтказади. Улар орасида Чемпионлар лигасида "Интер"га қарши учрашув ва Испания чемпионатида "Реал " билан баҳс алоҳида ажралиб туради.
