Паоло Мальдини - "Милан"нинг ҳақиқий афсонаси, у клуб билан бутун фаолияти давомида 26 та соврин, жумладан, 7 та Скудетто ва 5 та Европа кубоги/Чемпионлар лигаси ғолибига айланди. 647 та ўйинларни барчасини фақат иккита ранг остида ўйнади - қора ва қизил. Мальдини ўзини клуб мухлислари учун кафолатдек ҳис қилишини айтди.
"Ўзимни клуб мухлисларига кафолатдек ҳис қиляпман. Ахир менинг номим 50-йиллардан бери "Милан" билан боғланиб келади", - деди Мальдини Италиянинг ITASportPress ахборот агентлиги билан суҳбатда.
Паоло Малдини 1984 йилдан 2009 йилгача "Милан"да ўйнаган ва бундан олдин унинг отаси Чезаре Мальдини "Милан" шарафини ҳимоя қилган.
