Футбол оламида ҳамма нарса тез ўзгармоқда. Бугун машҳур клуб мураббийисиз, эртага эса мураббийлар ишсиз қолиши мумкин бўлган давр. Шундай экан қуйида биз жамоада мураббий сифатида энг кам ишлаган мутахассислар билан танишамиз.
Рене Меуленстеэн - 17 кун (2013)
Голландиялик футболчи «Анжи»да омадсизликка учради. Унгача мутахассис сер Алекс Фергюсоннинг штабида ишлар эди. Бор-йўғи 17 кундан сўнг "Анжи" бош мураббийлиги лавозимидан озод этилди ва унинг ўрнини Гаджи Гаджиев эгаллади.
Микки Адамс - 13 кун (1997)
Микки Адамс Уэльснинг «Суонси» клубини ўзи тарк этди. Учта учрашувдан сўнг, мураббий жамоани инқироздан олиб чиқиш учун ваъда қилинган молиявий ёрдамни олмаган ва ўзи ариза ёзиб ишдан кетган.
Максим Калиниченко - 10 кун (2022)
«Спартак»нинг собиқ ярим ҳимоячиси Эстониянинг «Левадия» клубида 10 кун вақт ўтказди. Максим раҳбарият украиналик мутахассиснинг муваффақиятига ишонмагани учун ишдан бўшатилди.
Мартин Линг - 9 кун (2009)
Мартин Линг "Кембриж Юнайтед"да эркин ишлай олмади. Клуб раҳбарияти билан келишмовчиликлар уни ўз лавозимини тарк этишга мажбур қилди ва ўзидан олдинги Гари Барбин тақдирини такрорлади.
Кевин Каллис - 7 кун (1996)
Кевин Каллиснинг «Суонси»даги мураббийлик фаолияти бир ҳафта ўтиб қулади. Блекпул билан ўйиннинг биринчи бўлимидан сўнг (кетма-кет иккинчи) унинг жамоаси 4:0 ҳисобида ортда қолди. Унга эса тезда чиқиш эшиклари кўрсатилди.
Девид Бассетт - 4 кун (1984)
Девид Бассетт ўзини "Кристал Пэлас" бош мураббийи сифатида синаб кўришга журъат этди, аммо, афтидан, бу билан шошилиб, тўрт кундан сўнг ўз она шаҳри "Уимблдон"ига қайтиб келди.
Лерой Росениор - 10 дақиқа (2007)
Англиянинг "Торкей Юнитед" клуби энг тез четлатишлар бўйича мутлақ рекордчига айланди. Раҳбарнинг ўзгариши жамоани бошқарган Лерой Росениорнинг ўз ўрнида ўн дақиқа ҳам ўтказмаслигига олиб келди.
