Англия терма жамоаси бош мураббийи Гарет Саутгейт Германия терма жамоасида ўйнашни танлаган Жамол Мусиалани жамоада сақлаб қола олмаганини эслади.
"Мусиала - ажойиб футболчи. Биз уни 16 ёшгача бўлган жамоада Жуд Беллингем билан бирга ўйнатдик. У бизга қанчалик ёққанини, шунингдек, уни Англия терма жамоасида сақлаб қолишни қанчалик хоҳлаганимизни яхши биласиз” - деди Саутгейт Миллатлар лигаси доирасида Германия билан ўйиндан сўнг (3:3) ўтказилган матбуот анжуманида.
Эслатиб ўтамиз, Мусиала ҳалигача Англия фуқаролигига эга, бироқ футболчи бир вақтлар Германия терма жамоасида ўйнашга қарор қилганди.
