"Манчестер Юнайтед" ҳимоячиси Диого Далот 2021 йилнинг ёзида клубини ўзгартириши мумкин эди, дея хабар бермоқда Фабрицио Романо.
Манбага кўра, португалиялик футболчининг хизматларига Дортмунднинг "Боруссия", "Милан" ва "Атлетико" каби клублар қизиқиш билдирган. Бироқ "манкунианликлар" ўз футболчисини сотишдан бош тортдилар, қолаверса, футболчининг ўзи ҳам жамоада қолишни истади.
Олдинроқ "Манчестер Юнайтед" раҳбарияти 23 ёшли футболчи билан шартномани узайтириш ниятида экани ҳақида хабар берилганди.
Далот 2018 йилнинг ёзида "Порту"дан 22 миллион евро эвазига "Манчестер Юнайтед"га ўтган эди. Португалиялик футболчи “қизил иблислар” сафида жами 73 та ўйин ўтказиб, битта гол урган ва 5 та голли узатма ҳам берган.
