"Манчестер Сити" ҳужумчиси Эрлинг Холанд Дортмунднинг "Боруссия" клубидаги собиқ жамоадоши Жуд Беллингем билан "Манчестер Сити"га ўтиши мумкинлиги ҳақида суҳбатлашди, дея хабар беради журналист Бен Жейкобс.

Аввалроқ, 19 ёшли ярим ҳимоячига "шаҳарликлар"дан ташқари "Манчестер Юнайтед", "Ливерпуль" ва "Челси" клублари ҳам қизиқиш билдираётгани хабар қилинганди. Бироқ футболчининг ўзи "Реал Мадрид"га ўтиш учун Премьер-лига клублари таклифларини рад этиш ниятида.

Беллингемнинг немис клуби билан амалдаги шартномаси 2025 йилнинг ёзига қадар тузилган.