"Тоттенхэм" 2022/23 йилги мавсум охирида "Ювентус"дан ҳужумчи Деян Кулушевскини сотиб олади, дея хабар беради журналист Фабрицио Романо.
Манбанинг хабарига кўра, "шпорлар"да келишув бўйича иккита вариант бор. Агар футболчи 20та ўйинда қатнашса (ҳар бирида у камида 45 дақиқа майдонда ўтказса) ва клуб Чемпионлар лигасига йўлланма олса, лондонликлар футболчини 35 миллион еврога сотиб олишлари талаб этилади.
Агар ушбу шартлардан бири бажарилмаса, “Тоттенхэм” 22 ёшли шведни сотиб олиш вариантини шунчаки фаоллаштиради.
"Тоттенхэм" Кулушевскини 2022 йилнинг январида "Ювентус"дан 2023 йилнинг июни охиригача ижарага олганди. Жорий мавсумда ҳужумчи инглизлар сафида 9 та ўйинда майдонга тушиб, 1 та гол ва 3 та голли узатмага муаллифлик қилган.
Transfermarkt.com портали Кулушевскининг нархини 50 миллион еврога баҳоламоқда.
