Лионель Месси кетма-кет 16-марта бир календарь йилида 20 тадан кўпроқ гол урди.

Ямайкага қарши ўртоқлик ўйинида (3:0) Аргентина сардори икки марта тўп киритди. Бу унинг 2022 йилдаги 20 ва 21-голлари бўлди.

2007 йилдан бери Месси доимий равишда бир календарь йилида камида 20 та гол уриб келмоқда. У 2006 йилдан 2021 йилгача 20+ гол урган Криштиану Роналдунинг рекордини такрорлади (2022 йилда португалияликда ҳозиргача 13 та гол бор).

Месси шунингдек, бу йил барча мусобақаларда 20 та голли узатмани амалга оширди. Фаолиятида еттинчи марта “гол+пас” тизимида бир йил ичида камида 20+20 балл тўплади.