Lionel Messi ketma-ket 16-marta bir kalendar yilida 20 tadan ko‘proq gol urdi.
Yamaykaga qarshi o‘rtoqlik o‘yinida (3:0) Argentina sardori ikki marta to‘p kiritdi. Bu uning 2022 yildagi 20 va 21-gollari bo‘ldi.
2007 yildan beri Messi doimiy ravishda bir kalendar yilida kamida 20 ta gol urib kelmoqda. U 2006 yildan 2021 yilgacha 20+ gol urgan Krishtianu Ronalduning rekordini takrorladi (2022 yilda portugaliyalikda hozirgacha 13 ta gol bor).
Messi shuningdek, bu yil barcha musobaqalarda 20 ta golli uzatmani amalga oshirdi. Faoliyatida yettinchi marta “gol+pas” tizimida bir yil ichida kamida 20+20 ball to‘pladi.
