"ПСЖ" клуби "Манчестер Сити" ва Португалия терма жамоаси ярим ҳимоячиси Бернарду Силвага қизиқиш билдиришда давом этмоқда, дея хабар беради Fichajes.
Манбага кўра, француз клуби келаси ёзда футболчини сотиб олиши мумкин. Парижликлар португалиялик футболчини "Барселона"га қайтиши мумкин бўлган аргентиналик ҳужумчи Лионель Мессига ўринбосар сифатида кўрмоқда.
28 ёшли Силва жорий мавсум “Манчестер Сити” сафида 10 та ўйинда майдонга тушиб, 2 та гол урди ва 3 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.













