"Барселона" ҳужумчиси Роберт Левандовски машғулотдан олинган янги сурат билан бўлишди. Польяк бутун жамоа дам олган куни спорт залида машқ ўтказишга қарор қилди.
"Дам олиш кунлари йўқ, машғулот вақти", - деб ёзди футболчи ижтимоий тармоқларда.
Левандовски ёзги трансфер ойнасида "Бавария"дан "Барселона"га ўтди ва 2026 йилгача шартнома имзолади. Жорий мавсумда ҳужумчи Каталония клуби сафида барча турнирлар доирасида 8 та ўйин ўтказиб, 11 та гол ва 2 та голли узатмани амалга оширди.
Олдинроқ Левандовски Испания ва Германия чемпионатларини солиштирганди. Унга кўра, Бундеслигада кўпроқ жисмоний курашга урғу берилган, Ла Лигада эса жамоалар футбол ўйнашни хоҳлашади.
