Италия терма жамоаси бош мураббийи Роберто Манчини баҳорги омадсизликдан кейин жамоа бошқарувида қолиш қарорини тушунтириб бера олмади.
Март ойида италияликлар 2022 йилда Қатарда бўлиб ўтадиган Жаҳон чемпионати йўлланмасини қўлдан бой бериб, Шимолий Македонияга қарши баҳсда (0:1) мағлуб бўлишди. Муваффақиятсизликка қарамай, Манчини ўз лавозимида қолди.
“Тўғриси, нега қолганимни билмайман. Ўша пайтда мен шунчаки саҳифани варақлаб, бу ҳақда унутишни хоҳлардим, чунки ҳаммаси ёмон кетди" - деди Манчини.
Италия терма жамоаси унинг қўл остида 2021 йил ёзида Европа чемпиони бўлишди.
Сентябрь ойида Италия терма жамоаси Венгрия, Германия ва Англия билан гуруҳда биринчи ўринни эгаллаб, Миллатлар лигасининг “тўртлик финали”га йўлланма олди.
