"Реал" президенти Флорентино Перес "ПСЖ" ҳужумчиси Килиан Мбаппе учун Мадрид клуби эшиклари ёпиқ эмаслигини айтди, деб хабар беради El Confidential.
Манба берган хабарга кўра, "Реал Мадрид" аъзолари йиғилишида Перес бошқа клуб футболчилари ҳақида энди гапиришга арзимаслигини таъкидлаган.
Мадрид клуби президенти эътиборини ҳозирги таркибга қаратиш зарурлигини, чунки ҳар бир футболчи жамоа учун курашиш кераклигини таъкидлади.
Шу билан бирга, у ярим ҳимоячилар Феде Вальверде, Эдуардо Камавинга, Орельен Тчуамени ҳамда ҳужумчилар Винисиус ва Родригони бунга мисол қилиб келтирди.
2022 йилнинг ёзида 23 ёшли франциялик футболчи “Реал”га ўтишни рад этди ва “ПСЖ” билан шартномасини 2025 йилнинг 30 июнига қадар узайтирди. Жорий мавсумда ҳужумчи парижликлар клуби сафида 9та ўйинда 10та гол урди.
