Франциялик ярим ҳимоячи, аввалроқ “ПСЖ”да тўп тепган Блез Матюиди Парижнинг клуби ҳужумчиси Килиан Мбаппе ҳақидаги фикрлари билан ўртоқлашди. У Килианни парижликлар ҳужумчиси Лионель Месси ва “Манчестер Юнайтед” ҳужумчиси Криштиану Роналдунинг вориси деб атади.
"Мбаппе "Олтин тўп"га даъвогарлардан бири. Унда соврин учун имконият бор. У ёшлигида ҳам ажойиб футболчи эканлигини исботлаган. Унинг ўйини таъсирли, мен буни машғулотларда кўрганман.
Мбаппе 2022 йилда ёки кейинги йилда “Олтин тўп”ни қўлга киритиш учун зарур бўлган барча нарсага эга. Менимча, Мбаппе Месси ва Роналдунинг меросхўри", - дея Матюиди сўзларини келтирмоқда AfriqueSports.
Мбаппе мавсум бошланиши арафасида "ПСЖ" билан янги шартнома имзолади.
