"Парма" дарвозабони Жанлуижи Буффон La Gazette Dello Sport нашрига берган интервьюсида дунёнинг энг кучли бешлик дарвозабонлари номини айтди.
Буффоннинг фикрича, энг яхшилар орасида Тибо Куртуа (Реал), Жанлуижи Доннарумма (ПСЖ), Мануэль Нойер (Бавария), Ян Облак (Атлетико) ва Майк Меньян (Милан) бор.
44 ёшли Буффон Италия чемпионатида энг кўп ўйин ўтказиш, шунингдек, ушбу турнирда гол ўтказиб юбормаган дақиқалар сони бўйича рекордчи ҳисобланади. У шунингдек, Италия терма жамоаси таркибида 2006 йилги жаҳон чемпиони саналади.
