"Челси" "Лейпциг" вингери Кристофер Нкунку билан шартнома имзолаш устида ишламоқда. Бу ҳақда журналист Николо Скира Твиттеръда маълум қилди.
Манба берган хабарга кўра, лондонликлар ёзда немис клуби билан янги шартнома имзолаган 24 ёшли франциялик футболчи билан аллақачон принципиал келишувга эришган.
Нкунку 2019 йилнинг ёзида "ПСЖ"дан "РБ Лейпциг"га ўтган эди. 2021/22 йилги мавсумда у "буқалар" сафида барча мусобақаларда 50 та ўйин ўтказди, 35 та гол урди ва 19 та голга ассистентлик қилди. У Бундеслиганинг энг яхши футболчиси деб топилди.













