"Chelsi" "Leypsig" vingeri Kristofer Nkunku bilan shartnoma imzolash ustida ishlamoqda. Bu haqda jurnalist Nikolo Skira Tvitter’da ma’lum qildi.

Manba bergan xabarga ko‘ra, londonliklar yozda nemis klubi bilan yangi shartnoma imzolagan 24 yoshli fransiyalik futbolchi bilan allaqachon prinsipial kelishuvga erishgan.

Nkunku 2019 yilning yozida "PSJ"dan "RB Leypsig"ga o‘tgan edi. 2021/22 yilgi mavsumda u "buqalar" safida barcha musobaqalarda 50 ta o‘yin o‘tkazdi, 35 ta gol urdi va 19 ta golga assistentlik qildi. U Bundesliganing eng yaxshi futbolchisi deb topildi.