Италиянинг "Болонья" клуби спорт директори Марко ди Вайо Марко Арнаутовичнинг "Манчестер Юнайтед"га ўтиши амалга ошмагани ҳақида фикр билдирди.
Ёзда "қизил иблислар" 33 ёшли австриялик ҳужумчининг трансфери бўйича музокаралар олиб бораётган эди, бироқ ўшанда хабар қилинганидек, "МЮ" мухлисларининг норозилиги туфайли шартномадан воз кечган. Ди Вайонинг сўзларига кўра, ҳамма нарса бошқача эди.
"Гап "Манчестер Юнайтед" мухлисларининг норозилигида эмас, балки Арнаутовичнинг ўзи бу трансферни рад этди, чунки у "Болонья"ни тарк этишни истамади. У клубда ва шаҳарда уни қанчалик қадрлашини билади ва ўзини ҳақиқий чемпиондек тутди", - дейди италиялик мутахассис Corriere dello Sport нашрига берган интервьюсида.
