“Халл Сити” бош мураббий Шота Арвеладзе билан хайрлашди.

Арвеладзе январь ойида тайинланган ва "Йўлбарслар"ни Чемпионшипда қолишига ёрдам берган.

Шунингдек, бош мураббий ёрдамчиси Питер ван дер Вен ҳам клубни тарк этди.

Ҳозирча клуб раҳбарияти Арвеладзенинг ўрнига Энди Доусонни вақтинчалик бош мураббий этиб тайинлади.

"Халқаро танаффус пайтида биз Шота билан жамоанинг йўналиши ва клуб келажаги ҳақида бир қанча учрашувлар ўтказдик. Бу учрашувлар давомида фикрларимиз аниқ бўлди ва шунинг учун биз ўртадаги ҳамкорликни тўхтатишга қарор қилдик.

Клуб Шота ва Питерга қилган саъй-ҳаракатлари учун миннатдорчилик билдиради ва иккаласига ҳам келажакда омад тилайди" - деди "Халл Сити" раҳбари.