"Манчестер Сити" ҳужумчиси Эрлинг Холанд дунёда у қўрқадиган ҳимоячи йўқлигини айтди. Норвегиялик футболчи жорий мавсумда барча мусобақаларда 14 та гол урди. Футболчи Англия чемпионати тўпурарлар жадвалида пешқадамлик қилмоқда.
"Дунёда мен қарши ўйнашдан қўрқадиган ҳимоячи йўқ. Менга кимга қарши ўйнашим муҳим эмас", - деди Холанд Optus Sport билан суҳбатда.
Холанд шу ҳафта охирида "Манчестер Сити" таркибида "Манчестер Юнайтед"га қарши ўйнайди ва Лисандро Мартинес ҳамда Рафаэль Варан каби ҳимоячиларга дуч келади. Сардор Гарри Магуайр жароҳати туфайли "қизил иблислар"га ёрдам бермайди.
