"Тоттенхэм" устози Антонио Конте дербида "Арсенал"дан учралган мағлубиятдан сўнг (1:3) ўз фикрларини билдирди.
"Менимча, биринчи бўлим яхши ўтди. Бизда гол уриш учун кўплаб имкониятлар бўлди. Охирги пасда хатога йўл қўйдик. Иккинчи бўлимда яхшироқ ўйнашимиз мумкин эди, аммо иккинчи голни жуда эрта ўтказиб юбордик.
Қизил карточкадан кейин бу жуда қийинлашди, биз бутунлай қайта қуришга мажбур бўлдик. Бу ҳакамнинг қарори, мен бунга изоҳ беришни истамайман.
Такрор айтаман, охирги пасларда ҳам, оддий пасларда ҳам хатога йўл қўйдик. Айниқса, халқаро ўйинлардан кейин содир бўлади. Энди биз давом этишимиз керак. Биз юқори поғонада қолиш учун қўлимиздан келганини қилишимиз керак", - деди Конте BT Sport билан суҳбатда.
